§¤~ منتدى ملااكي ~¤§
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه و يمكنك أيضا الدخول الى صفحتنا في الفيس بوك على الرابط التالي
https://www.facebook.com/CreatorSyrian

الأبراج الأسبوعية

استعرض الموضوع السابق استعرض الموضوع التالي اذهب الى الأسفل

default الأبراج الأسبوعية

مُساهمة من طرف rose في الأحد سبتمبر 27, 2009 11:42 am

الأبراج الأسبوعية




بتمنى تعجبكم الأبراج



برج الحمل:
بداية الأسبوع رح يكون فيها شوية صعوبات ، خصوصا ً خلال يوم السبت 26 أيلول . حاول خلال هاليوم إنك تنظم أمورك ومواعيدك وتبعد عن المواجهات والخناقات . كمان يوم الأحد بيكون مو كتير مناسب لإلك ، لكنو مناسب للشغل وللاستفادة من الناس المهمين بحياتك . بين الإثنين والثلاثاء بتتحسن أوضاعك وظروفك ، وبتعرف فرص اجتماعية جيدة . يوم الأربعاء بيحمل حلول مهنية وتسوية ومصالحة . بتركز على صحتك خلال يومي الخميس والجمعة ، وبتهتم بمراجعات طبية . هاليومين بيكونو غير مناسبين للأعمال الكبيرة .
برج الثور:
بداية الأسبوع بتكون مميزة يابرج الثور ، فبين السبت والأحد 26 و27 أيلول بتعرف أرباح جيدة أو أوضاع مهنية مناسبة . كمان الأجواء العاطفية خلال هاليومين بتكون مميزة . أما أيام الإثنين والثلاثاء فهنن أيام بتحمل انشغالات كتيرة ومواعيد مخربطة . لكن يوم الأربعاء بيكون مميز على صعيد التغييرات الإيجابية . يومي الخميس والجمعة بيحملو أخبار جيدة ومشاريع مشتركة وصداقات مفيدة .
برج الجوزاء:
[right]بتخف الضغوطات خلال يومي السبت والأحد 26 و27 أيلول ، وبتهتم يابرج الجوزاء بقضايا المال والديون والعلاقات العائلية . بتضطر إنك تلتزم بقيود ومسؤليات ومجاملات معينة . أما يومي الإثنين والثلاثاء فهنن أيام منعشة ومناسبة للترفيه والتجديد . أما يوم الأربعاء فبيخلص من مشكلة شخصية أو عاطفية . لكن نهاية الأسبوع مع يومي الخميس والجمعة فهي شوي متعبة وبتحمل تطورات مفاجئة .
برج السرطان:
خفف من التعصيب والإنفعال خصوصا ً خلال يوم السبت 26 أيلول ويوم الأحد 27 ايلول . فهاليومين بيملو خلاف أو مشكلة عالقة مابتلاقيلها حل . لكن يوم الأحد ممكن يحملك مساعدة عن طريق صديق أو شريك . يومي الإثنين والثلاثاء بتهتم خلالون بتجارب جديدة وبتبعد عن أجواء التعب والتعصيب . يوم الأربعاء بيحملك دعم وبيحكي عن تحرك لموضوع قديم . أما يومي الخميس والجمعة فهنن ايام واعدة على كل الأصعدة ، بتشعر خلالون بالقوة والثقة .
برج الأسد:
[right]انتبه لشوية أوضاع صحية ومالية صعبة خلال يوم السبت 26 أيلول . رغم هالشي بتلاقي دعم وتواصل جيد خلال يوم الأحد 27 يلي بيحكي عن شغل حلو ومفيد بتقوم فيه . أيام الإثنين والثلاثاء بتكون وتيرة الشغل فيون صعبة ، وبتحس بإنك عم تضايق من أي شي ، إلا إنك إذا بعدت عن العزلة رح تشوف ايجابيات خلال هالفترة . يوم الأربعاء بيحكي عن مصالحة مع شريك مهني أوتحسن بأمورك المهنية ، ممكن توقع خلال هاليوم على عقد جيد . يومي الخميس والجمعة بتهتم خلالون بوضعك المالي والعائلي والصحي . ممكن تعيش تجارب عاطفية صعبة إلا إنك قادر تتجاوزا وتستفيد منها .
برج العذراء:
أول أيام الأسبوع يعني يوم السبت 26 أيلول ، رح يكون يوم جيد بالعموم ، بتقدر تستفيد من كل اللي حوليك وتغير من أجواء الكركبة يلي رافقت الأيام الماضية . يومي السبت والأحد فيون لقاءات حلوة ومهمة ، وفيون انفراجات متتالية . كمان الوضع العاطفي بيحكي عن جديد . أيام الإثنين والثلاثاء هنن أيام عملية أكتر ، بتهتم خلالون بوضعك المهني والمالي . مع هيك رح تلاقي إنو يوم الأربعاء بيحمل انفراجات وحلول على صعيد الحب أو الشغل . يومي الخميس والجمعة بيكونو معجوقين . لاتتوقع إنك ترتاح خلال نهاية الأسبوع ، بالعكس عندك مواعيد ولقاءات و زيارات مهمة . بتقوي علاقتك بغيرك ، وبتتخلص من العلاقات المهتزة والمتعبة .
برج الميزان:
[right]انتبه كتير مع بداية الأسبوع لسلامتك وصحتك يابرج الميزان . خلال يومي السبت 26 والأحد 27 أيلول ، بتزعجك الأجواء وخصوصا ً العاطفية والعائلية ، وبتحاول إنك تنتفض على هالواقع إلا إنك بتلاقي الطرق كلا مسدودة . حاول تعتمد المجاملات والمسايرات لحتى تطلع بأقل الخسائر . وانتظر يومي الإثنين والثلاثاء يلي بيحملولك أجواء أفضل بالعموم وبيحكو عن إنقاذ بيوصلك . يوم الأربعاء بتفرح بسبب أخبار بتخص غيرك أو عيلتك ، بتتحمس خلال هاليوم لحتى تخطط وبتقوى الأحلام والمخيلة والإبداع . يومي الخميس والجمعة بيكتر الشغل وبتتعب شوي نفسيتك بسبب تشابك الأمور مع بعضها .
برج العقرب:
يومي السبت والأحد 26 و 27 أيلول ، رح تكون بحال أفضل يابرج العقرب ورح تتخلص من هموم ومشاكل متعددة . أوضاعك العاطفية والمالية خلال هاليومين بتكون جيدة وبتوعد بالأفضل . لكن خفف من الإنفعالات يلي بتصيبك خلال يومي الإثنين والثلاثاء ، وكون واعي لكل متطلبات العائلة والناس المقربين منك . يوم الأربعاء بتنحل قضية عائلية أو قضية تجارية . وبتقدر إنك تجمع الناس اللي بتحبون حوليك . بتختم الأسبوع مع يومين من الرومانسية الحلوة والتطورات الإيجابية بحياتك .
برج القوس:
[right]ركز على وضعك المالي يا برج القوس مع يومي السبت والأحد 26 و27 أيلول ، فهاليومين بيحكو عن فرص جيدة على هالصعيد لكن مع شوية جهود لازم تبذلا . ممكن تقوم بهالوقت بمهمة صعبة على الصعيد العاطفي لحتى تبرهن عن قوة العلاقة . بتتلقى ردود إيجابية وبتعرف أجواء حلوة خلال يومي الإثنين والثلاثاء . أما يوم الأربعاء فبيحكي عن مصالحة مع الأصدقاء أو الأخوة ، وبيحكي عن مفاوضات مهنية ناجحة . لكنك رح تتعب بسبب كترة المسؤليات والأعمال والترتيبات العائلية الجديدة خلال يومي الخميس والجمعة .
برج الجدي:
انتبه يابرج الجدي من معاكسات يوم السبت 26 أيلول يلي ممكن تطال أكتر شي مواليد العشرية الأولى . معت هيك رح تلاقي إيجابيات خلال يومي السبت والأحد ، بتحس بالقوة لكنك بتكون شوي عدواني ومسبب للمشاكل . يومي الإثنين والثلاثاء هنن يومين أخف بالنسبة للمزاج والتعصيب ويومين مخصصين للشغل الكتير . يوم الأربعاء بيحكي عن أخبار حلوة بتخص مجالك المهني والمالي أو بتخص شي الو علاقة بالسفر . يومي الخميس والجمعة بيكونو محملين بالأخبار العلاقات الحلوة والتطورات المفيدة .
برج الدلو:
[right]بتبدا الأسبوع مع أجواء ناشفة وتعب صحي . خلال يومي السبت والأحد 26 و27 أيلول بتتعب شوي وبتحس بإنك مضطر تتقيد شوي أو تقعد بالبيت . لكنك بتنطلق من جديد خلال يوم الإثنين وبتعرف تطورات اجتماعية حلوة ومفرحة . كمان يوم الثلاثاء بيكون يوم جيد وواعد . اما يوم الاربعاء فبيوعد بحلول جذرية لمشاكل مالية وشخصية . يومي الخميس والجمعة بتهتم خلالون بشغلك أو وضعك المهني والمالي سوا . ممكن تتعب شوي إلا إنو المعلومات والناس اللي بتقابلون خلالون بيكونو مهمين .
برج الحوت:
بتعرف بداية اسبوع مميزة من اللقاءات والصداقات الكتيرة . بتتحسن نوعا ما عن نهاية الأسبوع الماضي وبتعرف أجواء أفضل . بتتحسن نفسيتك وأعمالك بين السبت والأحد 26 و27 أيلول ، أما يومي الإثنين والثلاثاء فهنن بيحذروك من المجازفات العقيمة . لكن يوم الأربعاء بيحكي عن حل لموضوع صحي أو انتصار بيحققو خصمك عليك . يومي الخميس والجمعة بيوعدك الفلك بالتعويضات وسلسلة أحداث عاطفية واجتماعية ومهنية مميزة .
أسنوني ل الأسبوع الجاية بااااي
[/right]
[/right]
[/right]
[/right]
[/right]

rose
عضو جديد
عضو جديد

العمر: 22
انثى
المزاج: مبسوطة على طول
العمل:
علم الدولة:
عدد الرسائل: 105
تاريخ التسجيل: 13/08/2008
النقاط: 80

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: الأبراج الأسبوعية

مُساهمة من طرف azoz-223 في الخميس أكتوبر 01, 2009 3:43 pm


azoz-223
المشرفون
المشرفون

العمر: 37
ذكر
العمل:
علم الدولة:
عدد الرسائل: 151
تاريخ التسجيل: 17/12/2008
النقاط: 167

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


صلاحيات هذا المنتدى:
لاتستطيع الرد على المواضيع في هذا المنتدى