§¤~ منتدى ملااكي ~¤§
مرحبا بك عزيزي الزائر. المرجوا منك أن تعرّف بنفسك و تدخل المنتدى معنا. إن لم يكن لديك حساب بعد, نتشرف بدعوتك لإنشائه و يمكنك أيضا الدخول الى صفحتنا في الفيس بوك على الرابط التالي
https://www.facebook.com/CreatorSyrian

أبراج هذا الأسبوع

استعرض الموضوع السابق استعرض الموضوع التالي اذهب الى الأسفل

default أبراج هذا الأسبوع

مُساهمة من طرف rose في السبت أكتوبر 10, 2009 7:46 am

أبراج هذا الإسبوع
برج الحمل:
بتبدا الأسبوع مع تنافر فلكي سلبي بيأثر على علاقاتك الشخصية والزوجية والمهنية يابرج الحمل ، فبيكون يومي السبت والأحد 10 و11 تشرين الأول صعبين بالكتير من مجالات حياتك . لكن بارقة أمل بتبين خلال يوم الإثنين يلي بيوعد بفرص للحلول والمصالحة . كمان يوم الثلاثاء بيسجل تغيير بالأجواء للأفضل . أما يومي الأربعاء والخميس فبيحملو التزامات مهنية جديدة وأعمال كتيرة رح تقوم فيها . يوم الجمعة مع نهاية الأسبوع بتلتفت لأمور الحب والزواج وبتعالج الكتير من قضايا الارتباطات القديمة والجديدة . كمان يوم الجمعة بيحمل انفراج وحلول.
برج الثور:
[right]بتبدا الأسبوع مع إشراق وحيوية كبيرة يابرج الثور ، وبيكون يومي السبت والأحد 10 و11 تشرين الأول مميزين على صعيد الحب والتواصل والصداقات ، وبتقدر خلال هالأيام تتوصل لحلول جذرية . لكن الفلك بيحذرك من أجواء عائلية وشخصية متراجعة شوي خلال يومي الإثنين والثلاثاء ، ولو إنو التغييرات المهنية بهالوقت بتكون مفيدة . أما يومي الأربعاء والخميس فبتقدر خلالون تحقق فكرة أو شي غالي على قلبك . كمان أجواء الحب خلال يوم الأربعاء بتكون جيدة ، أما يوم الخميس فبتبدا تاخد طريق جديد بمجال الإرتباط .
برج الجوزاء:
[right]بتفوت بمفاوضات مادية خلال أول يومين بالأسبوع فبيكون يومي السبت والأحد 10 و11 تشرين الأول ساحة لأحداث مهمة بتهيأ لفترة جديدة ومميزة . بتتعرف على أوساط جديدة وبتنفتح على حلول وأفاق جديدة وعلاقات جديدة خلال يومي الإثنين والثلاثاء . يوم الثلاثاء بيبشر بحلول وحظ خصوصا ً لمواليد العشرية التالتة . لكنك بتتعب شوي خلال يومي الأربعاء والخميس بسبب تغييرات عائلية ومهنية ، هاليومين ضاغطين وممكن يسببو انفصال بحياتك .الإنفراج بيبلش مع يوم الجمعة يلي بيوعدك بحلول وبيحكي عن بداية فترة عاطفية جيدة .
برج السرطان:
[right]بداية الأسبوع رح تكون عنيفة يابرج السرطان ، فبين السبت والأحد 10 و11 تشرين الأول ، بتكون قدام مواجهات عائلية وشخصية ، بتختلف مع المقربين منك وبتكتر الخلافات ، لكنك بتكون قادر تعمل فرق بحياتك . الإثنين والثلاثاء هنن يومين مناسبين للمفاوضات المالية ، بتنشغل خلال هالوقت بأوراق رسمية أو أمور مادية بتتعلق بالعيلة . بترتاح شوي مع أجواء يومي الثلاثاء والأربعاء يلي بتقدر من خلالون تستفيد من فرص انقاذية . لكنك بتتعب عاطفيا ً خلال يوم الجمعة .
برج الأسد:
[right]راقب صحتك مع بداية الأسبوع يابرج الأسد ، واحمي مصالحك وأسرارك بين السبت والأحد 10 و11 تشرين الأول . يومي الإثنين والثلاثاء بتتحسن المعنويات وبتتحسن علاقاتك أكتر . بتنجح بالمفاوضات والمصالحات وبيوصلك زوار وضيوف بهالوقت . أما يومي الأربعاء والخميس فهنن مخصصين للحسابات والأمور المادية يلي رح تلاقيلها حل جذري ، وبيكون بالتالي يوم الجمعة هو يوم مميز للحب واللقاءات والسفرات والأخبار الجيدة .
برج العذراء:
[right]بتبدا الأسبوع مع صداقات كتيرة ولقاءات مهمة خصوصا ً على الصعيد المهني ، بتتلقى وعود جيدة بين السبت والأحد 10 و11 تشرين الأول وبتتحمس لتغييرات مالية واجتماعية جديدة . بين الإثنين والثلاثاء بتتعب صحيا ً وبتخاف شوي . انتبه على وضعك المالي ولاتوثق بحدا . أما يومي الأربعاء والخميس فهنن يومين جيدين بتتحسن خلالون وبتحس بالقوة والثقة ، فبتستفيد من ظروف إيجابية بمجالات العمل . أما يوم الجمعة فبيحكي عن وضع مادي جديد وأرباح بتبلش توصلك . لكنك عاطفيا ً بتتحمس كتير .
برج الميزان:
خفف شوي من انفعالاتك وكلامك الجارح خلال يومي السبت والأحد 10 و11 تشرين الأول ، ولاتاخد قرارات جذرية ، ممكن تحس بالضغط خلال هاليومين إلا إنك قادر تلاقي الحلول . بين الإثنين والثلاثاء بتوصلك الحلول والأفكار الجديدة وبتلتقي بأصدقاءك يابرج الميزان فبيبعد عنك شبح الخوف والإنهيارات يلي رافق الشهرين الماضيين ، وتتفائل بشي جديد بحياتك . ممكن بتتخبى شوي بين الأربعاء والخميس ، وبتحاول تعالج أمورك الشخصية بعيد عن الضجة . أما يوم الجمعة فبيكون مفترق طريق بحياتك الشخصية ، إلا إنو الوعود يلي بيحملا الفلك بيخليك تختار الطريق الصحيح . اتوقع انقلابات بحياتك العاطفية .
برج العقرب:
قدامك سفر متعب خلال يومي السبت والأحد 10 و11 تشرين الأول أو بتكون عم تخطط لشي بس مابتقدر تنفذ وتحقق أفكارك ، حاول تستفيد من أجواء الدعم ولاتستعجل شي .. راقب صحتك خلال يومي الإثنين و الثلاثاء لأنن يومين متعبين خصصا ً على صعيد الشغل . بتتوصل لشوية أجواء داعمة خلال يومي الأربعاء والخميس ، لكن بترجع بتتعب صحيا ً وعاطفيا ً خلال يوم الجمعة .
برج القوس:
[right]بتتلقى دعم مهم مع بداية الأسبوع يابرج القوس ، فبين السبت والأحد 10 و11 تشرين الأول بتعرف تقارب بوجهات النظر وبتحاول تعمل مصالحة مع اللي اختلفت معون . أما أيام الإثنين والثلاثاء فبتسافر وبتحقق أهداف كبيرة ، وبتتحرر من مشاكل وقيود والتزامات . يومي الأربعاء والخميس بيكونو شوي متعبين بسبب مسؤليات ووضع مهني معقد شوي . لكن الحلول والإنفراجات بتوصل مع يوم الجمعة يلي بيكون كمان يوم عاطفي جيد .
برج الجدي:
انتبه من التعقيدات والمواجهات خلال يومي السبت والأحد 10 و11 تشرين الأول فهاليومين كتير متعبين وبيهددو بإنفصال وتغييرات بحياتك الشخصية والمهنية . عالج أمورك المالية وحاول تستفيد من الدعم والمساعدة خلال يومي الإثنين والثلاثاء وقوم بكل أعمالك بدون تأجيل . يومي الأربعاء والخميس هنن يومين جيدين بالإجمال بتقدر خلالون تاخد قرارات إيجابية ، لكن الفلك بينصحك بإنك تنتبه لصحتك وأمورك العاطفية خلال يوم الجمعة .
برج الدلو:
[right]مع بداية الأسبوع بتتوصل لحلول مالية ومهنية جذرية وبتستفيد من أجواء جيدة ، ولو إنو بين السبت والأحد 10 و11 تشرين الأول ممكن يحملو شوية أجواء مهنية مكركبة . انتبه من المنافسات خلال هالوقت ، إلا إنو يومي الإثنين والثلاثاء بيكونو جيدين على صعيد العلاقات الجديدة والإلتزامات الجديدة ، بتناقش خلال هالوقت أمور الإرتباط والزواج ، وبتعرف صداقات جديدة ومصالحات . شوي بتنكمش خلال يومي الأربعاء والخميس يلي بيخلوك تركز على أوضاع مهنية وعاطفية خاصة . أما الإنفراج فبيكون خلال يوم الجمعة يلي بيوعد بسفر مهم أو نجاح كبير بتحققو .
برج الحوت:
بتعرف مع بداية الأسبوع أجواء منعشة ومختلفة عن نهاية الأسبوع الماضي . بين السبت والأحد 10 و11 تشرين الأول بتتفتح قدامك فرص جديدة بمجالات مالية ومهنية مهمة ، وبتعرف تعويض عن الشي يلي خسرتو خلال اليومين الماضيين . كمان يومي الإثنين والثلاثاء بتكون الفرص المالية والمهنية مهمة ، وبتكون متحمس لحتى تسافر أو تقوم بمهمات صعبة بتنجح خلالا من تحقيق شوية أهداف . انتبه من شوية مواجهات خلال يومي الأربعاء والخميس يلي بيكونو شوي معجوقين . أما يوم الجمعة فبترتاح خلالون من تعقيدات كتيرة ، وبيكون وضعك العاطفي والمالي جيد .
بتمنى يعجبوكم الأبرج
استنوني لأسبوع الجاي بااااي

rose
عضو جديد
عضو جديد

العمر: 23
انثى
المزاج: مبسوطة على طول
العمل:
علم الدولة:
عدد الرسائل: 105
تاريخ التسجيل: 13/08/2008
النقاط: 80

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

صلاحيات هذا المنتدى:
لاتستطيع الرد على المواضيع في هذا المنتدى